Авторизация

Бакълъулазул басмаялъул хIалтIухъабазе – МагIарул миллияб автономиялъул шапакъатал


Халкъазда гьоркьосеб рахьдал мацIалъул къоялде. Аваразул калам – гьелъул камиллъи!


Бакълъулазул басмаялъул хIалтIухъабазе – МагIарул миллияб автономиялъул шапакъатал


МагIарул мацIалда биччалеб продукциялъул анлъабилеб республикаялъулаб выставка тIобитIана


     2017 соналъул 19 февралалда МахIачхъалаялда ЦIадаса ХIамзатил цIаралда бугеб Аваразул драмаялъулаб театралда тIоритIана рахьдал мацIалъул Халкъазда гьоркьосеб къоялъул хIурматалда байрамалъулал тадбирал. ЮНЕСКОялъ 21 февраль лъазабун буго рахьдал мацIалъул Халкъазда гьоркьосеб къолъун. Щибаб соналъ кIодо гьабула гьеб байрам Авартеатралда. Гьаб соналдаги байрамалъул тадбирал гIуцIана Дагъистан Республикаялъул аваразул регионалияб миллиябгун маданияб автономиялъ.   Авартеатралда гIуцIун букIана магIарул мацIалда къватIире риччалел басмабазул выставка.


   Щибаб анкьалъ къватIибе биччалеб «Гумбет» газеталъги санайилго жигараб гIахьаллъи гьабула Авартеатралда авар мацIалъул къо кIодо гьабиялъулъ. Гьаб соналдаги гIахьаллъана басмаялъул хIалтIухъаби байрамалда. Авартеатралъул фойеялда гIуцун букIана 1952 соналдаса байбихьун рахъарал «Гумбет» газеталъул номеразул, районалдаса хъвадарухъабазул, гьездаго гьоркьоб адабияталъул классик Инхоса ГIали-хIажиясул тIахьазул выставка, ИчичIали росулъа пахьул устарзабаз гьарурал гIертIал, гулгунал ва цогидабги къайи, жидеца Гумбет районалъул тарих ва маданият загьир гьабулеб. ХIадурун букIана Гумбеталда газета бахъизе байбихьаралдаса редакторлъи гьабуразул ва «Гумбет» РИОялъул хIалтIухъабазул суратаз берцин гьабураб ва газеталъул тарих бихьизабулеб баннер.


   2017 соналда «Гумбет» газеталъ тIубала 65 сон. Гьелъул хIурматалда, газеталъул гьурмазда рахъулел руго Гумбет районалъул ва районалъул газеталъул тарихалдаса материалал. Гьел кьолел «Бакълъулазул басма – бакълъулазул тарих» абураб рубрикаялда гъоркь. БатIи-батIиял соназда районалъул газета къватIибе биччана «Гумбеталъул колхозчи», «Вождасул васиятал», «Бакълъулазул нур» абурал цIаразда гъоркь. ГьабсагIат къватIибе биччалеб буго «Гумбет» абураб цIаргун.


   2016 соналъул хIасилазда рекъон, Дагъистан Республикаялъул аваразул Регионалияб миллиябгун маданияб автономиялъ шапакъатал кьуна «Гумбет» газеталъул бетIерав редактор ХIамзат ГIизудиновасе, жавабияй секретарь Къурмагъиз ХIадисовалъе ва фотомухбир Гебек Гебековасе.


   Байрамалда гIахьаллъана «Гумбеталъул гьунарчагIи» къокъаялъул кьурдухъаби ва кочIохъаби. Миллияб ретIелгун рачIарал Майсарат ГIабдулаевалъул, Пари ГIимрановалъул, ГIайшат Хасбулатовалъул церерахъиназ рази гьаруна ралагьарал.


Автор: Информациялъул «Гумбет» гIуцIи

Баяналъул кьучI: Казият "Гумбет". Бакълъул мухъ

оценка новости: 
  • Не нравится
  • +91
  • Нравится
Оставить комментарий
Баркула Х1амзат дудаги,цогидал г1ахьалчаг1иги ,иргадулал щапакъатал!
Баркала. ХIажат буго гьаб  «МагIарухъ» сайталъул хIалтIуда гъорлъеги магIарул киналго мухъазул мухбирзабиги, гьел гурелги, халкъалъул ургъел бугел тIолго миллатцоял журазе.
Hamzatavari,ИншаАллагь!Гьаб сайталъул бук1иниселда,дун божула!
  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook 
  •  Twitter 
  • OK

Мы в Twitter.Com


Мы в Ok.Ru

Курс валют предоставлен сайтом kursvalut.com