Авторизация

Шамалъул мугьажирзабазул ирсилазул ахIи


Динцоял-миллатцоял


Шамалъул мугьажирзабазул ирсилазул ахIи


Асадил аскараз щущазабураб кавказиязул Деерпул росдал жамагIаталъул хитIаб


Шамалда гражданияб рагъ багъараралдаса кIиго чанго лъагIел сверулеб буго. Гьеб заманалда жаниб улкаялъул президент Башар Асадил аскаразда ва дандечIаразул боязда гьоркьор гIемерал рагъал ккана, кIиябго рахъалдасан анцIаза-азар чи чIвана.


Сириялда лъугьун бугеб ахIвал-хIалалда тIасан Цолъарал халкъазул гIуцIиялъ (ООН) чанго нухалъ данделъи тIобитIана. Амма Россиялъги Китаялъги Башар Асадил рахъккуна ва санкциял къабул гьаричIого хутIана.


  Асадил аскарияз самолетаздасан топал рана XIX гIасруялда Шамалде гочине ккарал кавказиязул Деерпул росдадеги. Хвана анцI-анцI чи, риххана гIемерал минаби.


 Гьеб росдал вакил, Бакълъулазул мухъалъул МелъелтIа росулъа наслуялъул чи, медикиял гIелмабазул кандидат МухIамаднур Нидалица гьабсагIат Дагъистаналъул нухмалъулезда гьарулеб буго Сириялда гражданияб рагъ лъугIизегIанниги жал тIаде къабул гьарейилан, гочине ккаразул статус кьейилан.


Дагъистаналъул Халкъияб Мажлисалъул депутаталги, ХIукуматалъул вакилзабиги, вузазул ректоралги гIахьаллъараб бакълъулазул студентазул ва интеллигенциялъул дандеруссиналда 30 ноябралда гьадинаб кIалъай гьабуна Нидалица: «Ассаламу гIалайкум, хIурматияб жамагIат! Дун цIакъ вохарав вуго жакъа нужеда, бакълъулазда, гьоркьов вукIиналдаса. Бакълъулазул МелъелтIа росулъа ккола дун. Нижер умумул Дагъистаналдаса гочана гIага-шагарго 115 соналъ цере, имам Шамилил къеркьей лъугIун хадуб. Цин Турциялде ана гьел, хадуб гьенисан Шамалде гочана. ГIемераб гIакъуба-къварилъи бихьана нижер умумузда батIиял ракьазда. Шамалда, Турциялда, Иорданиялда ва цогидалги ГIагараб Бакъбаккул улкабазда риххана магIарулал».


Кавказалдаса мугьажирзабазул ирсилаз гIумру гьабулеб Деерпул росдаде Башар Асадил аскарияз аэропланаздасан топал рана исана ноябралда.


МухIамаднур Нидаль: «Киназдаго лъала ахирал соназда Шамалда рагъ унеб букIин. ГIадатиял шамалъулазе къваригIараб жо гуро гьеб биял тIей. Дица рикIкIуна гьелдалъун бусурбабазда, хасго гIарабазда, данде макру гьабулеб бугилан. Сириялда ругел дагъистаниязе кIудиял камиял кколел руго, гьеб рагъул кьогIлъи хъинтIана нижедаги. Мугьажирзабазул наслабазул гIезегIаназ абуна жидее хъизаналгун цадахъ Дагъистаналде гочине бокьун бугилан. Деерпул росу буго мугьажирзабазул ирсилаз гIумру гьабулеб бакI. Пашманаб хIужа ккола, дагьаб цебегIан Асадил рагъулал аэропланаз топал рехана гьеб росдада тIадеги. Гьелдаса хадуб гIемерал гIадамаз росу тана, батIи-батIиял шагьаразде гочине ккана гьел».


Дагъистаниязда ва республикаялъул нухмалъулезда Нидалица гьарулеб буго Шамалда гражданияб рагъ гьоркьоб къотIизегIан жидее Дагъистаналде гочине изну кьеян.


Нидаль: «Гьаниб бакIарун буго Бакълъулазул мухъалъул жамагIат. Гьездаги тIолалго дагъистанияздаги дица гьарулеб буго нижее къварилъи ккун гочинаруразул статус кьезе квербакъеян ва рагъ сасинегIан Дагъистаналда гьоболлъухъ рукIинегIаги изну кьеян. Нижеца гIарцул рахъалъ кумек гьарулеб гьечIо. Гьаб дандеруссиналда кIуди-кIудиял хъулухъчагIи гIодор чIун руго. Хьул буго Шамалдаса мугьажирзабазул гьаб хитIаб нужеца кIвар кьечIого теларилан».


Балагьизинха нилъер халкъалъ ва тIадчагIаз мугьажирзабазул ирсилазул гьариялъе кинаб жаваб гьабулебали.


2012 сон


Автор: ГIизудинил ХIамзат

Баяналъул кьучI: Казият "Миллат". МахIачхъала

оценка новости: 
  • Не нравится
  • +110
  • Нравится
Оставить комментарий
Бук1аралъуб хут1ана гьел гъаримзабазул ах1иги,щиб кинаб къисмат дозул ккараб?Гьеб г1иц1го т1адег1анав Аллагьасда лъала,Аллагь гурх1аги,г1ажаиблъи нилъер мадугьалихъ ругел адигазцин жидерго миллатцоязе кумек гьабула жидерго ракьалда нахъ руссине,нилъецаин абуни квер хьваг1ун тола(
eldar suguri,

Дагъистанияз квербакъи гьабичIо гьезие.

Hamzatavari,Г1ажаиблъи гуро)Унголъунги г1одизе ккараб х1ужа буго!
МагIарул классиказ рехсараб Шамалъул гьури гьанже балагьаб бакъаналда пулеб буго…
Hamzatavari,Уха пулеб гьуриги буго,ч1еч1ого холел г1адамалги руго Шамалда(
  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook 
  •  Twitter 
  • OK

Мы в Twitter.Com


Мы в Ok.Ru

Курс валют предоставлен сайтом kursvalut.com