Авторизация

Ицц бетIералдасан тIокIкIуна

 Пикру


Ицц бетIералдасан тIокIкIуна


РишватчагIацагун хIелхIелчагIаца хIулулеб, къакъалеб…


ЧIахъагиян чIвалеб хъатги тIагIагиян хьвагIулеб тIилги


Ахирал анкьазда Дагъистаналда ккарал лъугьа-бахъиназ гIемераб жоялъул пикру гьабизе тIамулел руго. Россиялда киса-кибего ва хас гьабун Москваялда ришватчилъигун магIишатиял такъсирал рукIунарел гIадин, гIицIго Кавказалъ, Дагъистаналъ такъсирчилъи къватIибе гьурщулеб бугеб гIадин, цо-цо СМИяз тIадагьал, гъорлъе раккичIел баянал кьолел руго. 


Улюкаевги дагъистаниявищ?


Гьедин батани, кавказиялищ кколел жидер «хIаракаталъул» хIасилалда уголовниял делаби рагьун рукIарал ва пачалихъалъул, халкъалъул буголъиялъул миллионал, миллиардал гъурщал тIагIинарунилан жидеде гIайибал гIунтIизарурал Россиялъул оборонаялъул министрлъун хIалтIарав Анатолий Сердюков, гьесул секретарь Евгения Васильева, Россиялъул экономика цебетIезабиялъул министрлъун хIалтIарав Алексей Улюкаев, МВДялъул экономикияб хIинкъигьечIолъи цIунулеб идараялъул хIалтIухъан, полковник Дмитрий Захарченко ва цогидалги?


«ЧчугIа махIцуна бетIералдасан»


«Откат» абураб рагIи Москваялъ малъана Россиялдаго. Цо кIудияв хъулухъчияс абуна: «Дица тIаса тIажу бахъаниги, «откат» гъоркь течIого, федералиял идарабаз республикаялъе гIарац биччаларо», – абун. ГIурусазул кици буго: «ЧчугIа махIцуна бетIералдасан». Аваразул аби ккола: «Ицц тIокIкIуна бетIералдасан».


…ГIемерал кIихIатIилаз жидерго цIайи, жал щалали лъазабуна гьал къояз. Дагъистаналъул бетIер хисизегIан, «чIахъаги, чIахъаги» бачунел рукIаралщинал гьанже «тIагIаги, тIагIаги» бачине журана. Гьеб буго кутакаб учузлъи.


«Кьурул гIусал гIадал», «даим гIурччинал накIкIигъутIби гIадал» цо-цо магIарулалги тамахлъана, чарлъана, чухьарлъана, риун ана, кьерал хисизе журана. Хамелеоналъул гIадин, тIомол кьерал батIи-батIиял раккана. 2013 -2017 соназда, кIалдибе лъим босарал гIадин, руцIцIун чIун рукIарал цо-цоязда кIалал рижана, гьез цевеса арав хъулухъчиясда хадуб цо-цо жо абизе, рехизе байбихьана. ГьедигIан «къвакIарал ва ритIухълъи хириял» гIадамал, хъулухъ тун хIаким инегIан, гьесул гIунгутIаби рихьизаричIого, нуж кир рукIарал? «Миллат» басмаялъ, масала, 2013-2017 соназда Дагъистаналъ росарал бергьенлъаби, лъикIал рахъал рихьизаруна, квешал рахъалги гьоркьор течIо, кколел ругел гъалатIазде кантIизаруна. Жакъа цевеса арав чи какулел чагIи, сон кир рукIарал нуж?


Гьеб буго цIакъго нахъегIанаб ва сурукъаб гIамал. Аварагзаби ахираб азаридаса цIикIкIарал соназул заманалда дунялалда загьирлъичIо, гъалатIал камурал церехъабиги гьанже ракьалда гьечIо. Амма 2013-2017 соназда Дагъистаналда лъикIаб рахъалдехун кIудиял хиса-басиял кканищан абуни, ккана. Гьел хиса-басиял хъинтIана щивав дагъистаниясда. Ракълилаб, парахатаб гIумру бачIана республикаялде. Аллагьас балагьал рикIкIад гьареги хадурккунги.


ГIаданлъун хутIи – кIудияб жавабчилъи


Нагагь аваразда гьоркьоса авараг вахъун вукIаравани, гьевги какизе вукIана Дагъистаналда гIумру гьабун ругел цо-цо кIалги чIегIарал, махьаги чIегIерал, жаниса махIцарал, чорокал, инжитал, инсанлъиялъул тIабгI биларал жахIдачагIаз, бугьтанчагIаз, «богорукъалъул багьадурзабаз».


Гьединлъидал, 2013-2017 соназда Дагъистаналда билълъанхъизабураб сиясаталда данде щибаб къойил тударарал тухьулаби руго, миллияб рокьукълъиялъ, миллияб жахIдаялъ ва миллияб гIисинлъиялъ хIалада течIел, рагъаризарурал, гьенкьезарурал, кIечIезарурал, макьу течIел, чIвачIвадизарурал ва цIадаризарурал лотиял.


МагIарул халкъалъул тарих, араб ва гьанжесеб хIал киназдаго лъала. Лъикьаниги нечезе кколеб тарих хъвачIо авараз бидуца ва гIетIуца.

«Дир гьудул, ругьунаб чоца рехани, чодул мугъ бухуге, нухлул халгьабе», – гьедин хъвана ХIамзатил Расулица. БетIерлъи, цебехъанлъи буго бергьун кIудияб жавабчилъи. Гьединабго кIудияб жавабчилъи буго инсан инсанлъун хутIи. Тавпикъ кьеги тIолалго дагъистаниязе ва инсанияталъего гIадамаллъун хутIизе. Амин.


Автор: ГIизудинил ХIамзат

Баяналъул кьучI: Казият "Миллат". МахIачхъала

оценка новости: 
  • Не нравится
  • +33
  • Нравится
Оставить комментарий
Амин Хӏамзат,гаргадизе кидаго бигьаяб букӏана
  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook 
  •  Twitter 
  • OK

Мы в Twitter.Com


Мы в Ok.Ru

Курс валют предоставлен сайтом kursvalut.com