«МагIарул танк» ГIабдулрашид СагIадулаев – Ярыгинил турниралъул чемпион
2018 соналъул 28 январалда Россиялъул Красноярск шагьаралда «магIарул танк» ГIабдулрашид СагIадулаевас бергьенлъи босана гьитIинаб Олимпиадаян абулеб Ярыгинил цIар кьураб турниралда.
Цониги дандиясе баллцин кьечIого, таваккалго ва кIудияб махщалида бергьана СагIадулаев.
«Миллат» басмаялъул редколлегиялъ ракI-ракIалъго баркула ГIабдулрашид СагIадулаевасда иргадулаб бергьенлъи ва гьарула гьесие спорталъул тIогьал квегъизе сахлъиги сахабщинабги!
Автор: ГIизудинил ХIамзат
Баяналъул кьучI: Казият "Миллат". МахIачхъала
