Авторизация

Имамасул насихIат ХIебда школалда

Имамасул насихIат ХIебда школалда 23 ноябралда  районалъул имам СиражудинхIажи АхIмадов дандчIвана ХIебда гьоркьохъеб школалъул мугIалимзабигун ва цIалдохъабазул умумулгун школалъул мугIалимзабигун ва цIалдохъабазул умумулгун. Данделъиялда районалъул имамас баркала загьир гьабуна умумузе ва мугIалимзабазе, нилъер гIун бачIунеб гIелалъе тарбия кьеялъе гьез гьабулеб цадахъаб хIалтIиялъухъ, бицана цIала-къали лъикI букIиналда хадуб хъаравуллъи кквеялъул ва гIадлу-низам букIинабиялъул бугеб кIудияб кIваралъул.

 - Школазда ва мадрасалда щолеб лъай лъимералъул гIумруялъе лъолеб щулияб кьучI буго. Гьелдаго цадахъ кIочене рекъоларо лъимал мекъияб нухде цIалел цIираккарал бидгIаби ва гьелдаго цадахъ наркоманиялде ва токсикоманиялде лъимал рачунеб «унти» гIолилазда гьоркьоб тIибитIулеб букIинги. Жакъасеб къоялда гIолилазда гьоркьоб тIибитIулеб буго «Насвай» абулеб тIадагьаб наркотик хIалтIизаби. Нилъ, умумул рукIине ккола лъималазе сундулъго мисалияллъун.

Аварагасул хIадис буго «Нуж нужерго лъималгун ритIухъаллъун рукIа» абураб магIнаялъул. Унго-унгмолъунги эбел-инсуда тIадаб налъи, лъималазул хIакъ тIубазабулеб бугони, гьеб буго эбел-эмен алжаналде рачунеб нухазул цояб,-ин абуна Сиражудин АхIмадовас жакъасеб къоялъул гIузрабазул, гIолилал балагьалде рачунеб нухалъул бицунаго.

Районалъул имамас хIисабалде босун буго гьединалго дандчIваял цогидалги нилъер  росабазул школазда тIоритIизе.

***

Лъазаби

ХIебда гIумру гьабулезе рес буго щибаб рузман сордоялъ  боголил какдаса хадуб районалъул имам Сиражудин АхIмадовас  ГIасаса МухIамад ЯгIсуби устарасул "Кунузул аман мин фитани заман" абураб тIехьалдаса цIалулеб вагIзаялъухъ гIенеккизе.

Аллагьас гьесул баракат нилъ киназего гIаммлъаги.

 Гьединго гьебго тIехьалдаса видео дарсал лъола интернеталдаги. Гьел дарсал ратула ютубалда рахъула видеоялда, "Алимы Шамильского района" #МуфтиятРД#Шамильский_район#Отдел просвещения#Хебда#Ислам#Имам_района#лекция#шейх#

  

 Хъвана МухIамад ГIумарасхIабовас


Баяналъул кьучI: Казият "Цолъи". Шамил мухъ

оценка новости: 
  • Не нравится
  • 0
  • Нравится
Оставить комментарий


ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook 
  •  Twitter 
  • OK

Мы в Twitter.Com


Мы в Ok.Ru

Курс валют предоставлен сайтом kursvalut.com