Авторизация

Мискин-пакъир Дагъистан…

Цодагьаб цебегIан, цо тIадегIанаб данделъиялда, Москваялдасан нилъее лъай-кьеялул иш рахънибе ккезабизе кумекалъе йитIун ячIарай гIаданиги йигей бакIалда, Кизляралъул лъай кьеялъул Управлениялъул нухмалъулелъ абун буго, гьал рахьдал мацIал нилъее къаригIарал жал гурин, квал-квал гуреб пайдаги гьездасан гьечIин, рачIайин нилъеца гьел яризаризе.

Киналго нухмалъулел гурелъул гIакълу бугелги рукIунел, гьелъ эдин абиялда дагIбаго гьечIо. ДагIба буго киналниги Дагъистаналъул лъайкьеялъул Управлениязул нухмалъулел гьелда тIад рекъеялда, хъат чIвазе ва гьелъул пикрудал рахъги ккун рагIаби рехизе лъугьиналда. Гьеле эзул гIакълуялъул даража! Гьеле гьел чагIазул нухмалъиялда гъоркь руго нилъер лъималазе лъайги тарбияги кьолел ругел учительзаби. Гьеле гьез куцалел руго нилъер лъимал. Жакъа мацI кIоченабила. Метер цIар кIоченабила. Сезе эбел-инсудеги щвела ирга. КIватIичIого ВатIанги бичила чIванчIобого!

Москваялдаса гIурусалъ абун буго нилъер гьайбатазда, законалда рекъон нужерго лъималазда мацIги, тарихги, маданиятги, адабиятги малъизе нужеда тIадаб бугин ва хабар тун хIалтIуде руссайин.

Гьейго Москваялъул вакилалда цо логопедилан йигей куцберциницаги абун буго, гIурус мацI берцинго бицине рахьдал мацIазул квал-квал бугин, гIурус мацIалъ кIалъалеб мехалда гьев кIалъалев чиясул рагIабазул гьаракьалъул батIалъи кколеб бугин, тIагIинарун лъикIин гьел рахьдал мацIалилан. Пикруялъул мукъсанлъи чи тIагIаялъул! Гьелдаги абизе ккун буго дойго гIурусалъ гIантал жал рицунгейин.

Мискин-пакъир Дагъистан ва гьадинал «гIакълудал бутIрузде» ккараб лъай ва тарбия кьеялъул иш!



Автор: Баху Мух1идинова

Баяналъул кьучI: Казият "Миллат". МахIачхъала

оценка новости: 
  • Не нравится
  • +8
  • Нравится
Оставить комментарий
Гьале нилъго ккун ругеб бак1,нилъго руго мац1алъулги адабияталъулги,маданияталъул,т1оцересел тушбаби,гьединал "миллаталъул вакилзаби" нилъеда гъорлъ рук1аго ,тушбабиго къвариг1унаро.Нилъеда нилъерабго унгояб къаг1идаялъ бокьич1они ,нилъерго мац1алъул,-тарихалъул,адабияталъул к1вар бич1ч1ич1они,ч1вала нилъер мац1ги ,хут1арабщинабги гьадалго гъурущ бихьаниги,ц1ан т1ажу бахъизе х1адурал х1акимзабаз.Дир аслияб пикру тушман нилъедаго гьоркьов вуго!

Дида чанги жо раг1ана,ц1алана,амма гьединаб,унго бит1ун абула чанги жо бихьила,хвезе кват1ани... scream  scream 
  • Bahu
  • 20-01-2017, 11:55
  • : 11:55
  • Пользователь offline
    • Не нравится
    • +2
    • Нравится
Жагьилчаг1азул пикру гьеб бук1арабани, г1инт1амич1огоги тезе бегьилаан. Гьел руго нилъер лъималазе тарбияги лъайги кьолел ругел учительзабаздаги щиб гьезда малъилебали бицунел чаг1и. Нужецаго пикру гьабеха гьел чаг1аз щиб лъималазда малъилеб ва щал гьезул гьарилелали. 
  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook 
  •  Twitter 
  • OK

Мы в Twitter.Com


Мы в Ok.Ru

Курс валют предоставлен сайтом kursvalut.com