Гьал къоязда «Дагестан без сирот» гIуцIиялъул нухмалъулей Раисат ГIусмановалъ МахIачхъала бакьулъ бугеб рестораналде ракIарун рукIана ригь бекаралги гIолохъаналги руччаби.
КIияздаго гьоркьоб тIобитIана «А, ну-ка, девушки» абураб конкурс. Гьезул бищун кIудиялъул гIумрудул сонал ругоан 94-ялде рахун. Бищун гьитIиналъул – 2I сон.
Амма кечI ахIизеги, кьурдизеги, кицабигун бицанкIаби рицинеги, шарикал понцIозеги гIолохъаназдаса къурал гьечIоан кIудияб ригьалъул руччабиги.
Гьедин жюриялъ тIоцебесеб бакI кьуна МахIачхъалаялъул 9 абилеб гимназиялъул мугIалим, ЧIохъа Аминат Мусаевалъе. Жюриялъе хасго рек1ее г1уна артисталъ г1адин гьелъ ахиралда рик1к1араб дикломация.
Гьединго тадбиралъул ахиралда Раисат ГIусмановалъгун цо-цо спонсораз руччабазул щиялъе сайгъат гьаруна къиматал шапакъатал. Конкурсалда г1ахьалллъич1ел гьалбалги сайгъатал щвеч1ого нахъе инч1о гьениса. Масала, гьезие кьуна Раисат Г1усмановалъ Мах1ачхъалалда рагьараб социалияб гостиницаялда г1умру гьабулел ясаз рукъарал жал - хьаг-къоно кколел квердаххелал, квен гьабулелъул цере рухьунел фартукал ва цогидаб.
Автор: Зульфия Х1ажиева
Баяналъул кьучI: Казият "Миллат". МахIачхъала
