Авторизация

Инхоса ГIали-хIажиясул пикрияб дунялалде сапар



Къалам, дуца щуре щакъиялдехун. ТIерхьунарел цIваби


Инхоса ГIали-хIажиясул пикрияб дунялалде сапар


Игьалиб тIобитIана магIарул адабияталъул классикасул асарал лъаялъул рахъалъ къец


2016 соналъул 22 декабралда Гумбет мухъалъул Игьали росулъ рагьана Россиялъул халкъазул гIадатияб маданияталъул центр ва тIоритIана Инхоса ГIали-хIажиясул асарал рекIехъе рикIкIиналъул къец.


Россиялъул гIадатияб маданияталъул Игьалиб  бугеб центр рагьиялъул тадбиралда гIахьаллъана Гумбет районалъул нухмалъулесул заместитель АхIмад Сулайманов, лъайкьеялъул отделалъул начальникI Муса КъурамухIамадов, «Гумбет» басмаялъул бетIерав редактор ХIамзат ГIизудинов, культураялъул, физическияб культураялъул, спорталъул, гIолилазул политикаялъул ва туризмалъул отделалъул нухмалъулев МухIамад ГIумардибиров, мугIалим ва хъвадарухъан ГIиса Шарапудинов, цолъизабураб библиотекаялъул гIуцIиялъул нухмалъулей Сиядат ГIабдулмутIалибова ва цогидалги.


Центр рагьиялъул чIоло къотIун хадуб байбихьана Инхоса ГIали-хIажиясул асарал рикIкIиналъул рахъалъ Гумбет районалъул цIалдохъабазда гьоркьоб къец. Гьеб конкурсалъул тадбиралда кIалъазе рахъана Гумбет районалъул бетIерасул заместитель АхIмад Сулайманов, «Гумбет» басмаялъул бетIерав редактор, Россиялъул Хъвадарухъабазул союзалъул член ХIамзат ГIизудинов, культураялъул, физическияб культураялъул, спорталъул, гIолилазул политикаялъул ва туризмалъул отделалъул нухмалъулев МухIамад ГIумардибиров ва цогидалги.


Гумбет районалъул гIадатияб маданияталъул централъул хIалтIухъабаз бихьизабуна Инхоса ГIали-хIажиясул гIумруялда хурхараб сценка.

Бакълъулазул районалъул нухмалъулесул заместитель АхIмад Сулаймановас шапакъатал кьуна «Культурная мозаика малых городов и сел» абураб тIолгороссиялъулаб конкурсалда бергьенлъи босараб «Гумбет районалъ Инхоса ГIали-хIажиясул асарал цIалулел руго» абураб проект цIунизе ва гIумруялде бахъинабизе квербакъарал ХIамзат ГIизудиновасе, Сиядат ГIабдулмутIалибовалъе, Гумбеталъул гIадатияб маданияталъул центарлъул бетIер Набигула АхIмадибировасе.


Шималияб Кавказалъул округалда гIицIго Гумбет район ва Дагъистан рукIана Тимченкол фондалъул «Культурная мозаика малых городов и сел» абураб къецалда бергьаразда гъорлъ.


Игьалиб тIобитIараб Инхоса ГIали-хIажиясул асарал лъазариялъул конкурсалда гIахьаллъана 17 школалдаса 42 цIалдохъан. 1-4 классазда гьоркьоб тIоцебесеб бакI ккуна МелъелтIа гьоркьохъеб школалъул цIалдохъан Бикагъиз МухIамадовалъ ( 3 кл.) ва Игьали гьоркьохъеб школалъул цIалдохъан МухIамад СайгидмухIамадовас ( 4 кл.); кIиабилел бакIал щвана Гьарадирихъ гьоркьохъеб школалъул цIалдохъан Сияна ГIалихIажиевалъе  (4 кл.) ва ЧIикь аслияб школалъул цIалдохъан ПатIимат Насрулаевалъе ( 4 кл.); лъабабилеб бакI насиблъана ТIад Инхо гьоркьохъеб школалъул цIалдохъан ПатIимат Мансуровалъе  (3 кл.).


5-8 классазда гьоркьоб тIоцебесеб бакIалъе мустахIикълъана  МелъелтIа гьоркьохъеб школалъул анкьабилеб классалъул цIалдохъан Макка Ахкубегова, кIиабилеб бакI щвана Игьали гьоркьохъеб школалъул микьабилеб классалъул цIалдохъан РахIима МухIамадовалъе, лъабабилел бакIал ккуна Игьали гьоркьохъеб школалъул микьабилеб классалъул цIалдохъан Хадижат СайгидмухIамадовалъ ва Гьарадирихъ гьоркьохъеб школалъул анлъабилеб классалъул цIалдохъан Саният ХIасановалъ.


9-11 классазда гьоркьоб тIоцебесеб бакI босана Пайзат МухIамадовалъ ( ЛъаратIа гьоркьохъеб школа, 8 кл.), кIиабилеб бакI насиблъана Гогьар Тажудиновалъе ( Игьали гьоркьохъеб школа, 10 кл.), лъабабилел бакIал щвана ХIуризадай ХIасановалъе  (Гьарадирихъ гьоркьохъеб школа, 10 кл.) ва Халжанат МухIамадовалъе ( Ингишо гьоркьохъеб школа, 10 класс).


ТIоцебесеб бакIалъе 1500, кIиабилеб бакIалъе 1000 ва лъабабилеб хIасил бихьизабуразе 500 гъурущ гIарцул шапакъаталги кьуна конкурсалда. Къецазда бергьаразе гьединго кьуна дипломал ва тIахьал.









Автор: Информациялъул «Гумбет» гIуцIи

Баяналъул кьучI: Казият "Миллат". МахIачхъала

оценка новости: 
  • Не нравится
  • +165
  • Нравится
Оставить комментарий


  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook