Авторизация

Аргъваниса Шамил ИсхIакъовасул тхэквондоялъул мацI


Чаран кин лъадарараб


Аргъваниса Шамил ИсхIакъовасул тхэквондоялъул мацI


Сурдлимпиялъул хIаязул гIарцулав призерлъун вахъана тхэквондист Шамил ИсхIакъов


   2017 соналъул 31 июлалда МахIачхъалаялъул аэропорталда дандчIвай гьабуна Сурдлимпиялъул хIаязда тхэквондоялъул рахъалъ гIарцулав призерлъун вахъарав Бакълъулазул районалъул Аргъвани росулъа Шамил ИсхIакъовасда.


   Олимпиялъуласда дандчIвазе рачIана Бакълъул районалъул бетIерасул ишал тIуразарулев, эркенаб гугариялъул рахъалъ олимпиялъул ва дунялалъул чемпион ХIажимурад МухIамадов, Дагъистан Республикаялъул физическияб культураялъул ва спорталъул министрасул заместитель Зайнал Салаудинов, спортсменасул росуцоял, ракьцоял.


   «Баркула Шамил ИсхIакъовасда Сурдлимпиадаялъул медаль щвей. Гьеб ккола спортсменасулги гьесул тренеразулги гIаммаб бергьенлъи, Россиялъеги, Дагъистаналъеги, Бакълъул районалъеги кIудияб байрам. Баркула спортсменасул тIолабго командаялдаги гьеб шапакъат. Гьединго бокьун буго баркала загьир гьабизе спортсменазул кидаго рахъкколеб Дагъистан Республикаялъул физическияб культураялъул ва спорталъул министерствоялъе»,  – ян абуна, баркиялъулаб кIалъай гьабулаго, ХIажимурад МухIамадовас.


     Спортсменасулгун дандчIваялда художественияб церерахъин гIуцIана Россиялъул халкъазул гIадатияб маданияталъул Бакълъул централъул хIалтIухъабаз.


Сурдлимпиада ккола гIинда жо рагIиялъе къварилъи бугел спортсменазул къец. Паралимпиадаялда дагьал бигьалъаби рукIунел ратани, Сурдлимпиадаялда спортсменал церерахъуна, тIубанго сахал спортсменал Олимпиадабазда рахъунел гIадин. Аргъваниса тхэкводнист Шамил ИсхIакъов лъимерлъудасаго тIубан гIинкъав ва мацI лъаларев вуго. Гьесул къеркьеялъ, гьесул мисалалъ бихьизабулеб буго инсанасул къуватги бажариги, жинда цебе масъала лъуни, гIадамасда гьеб тIубазабизе кIолеб букIин.


   Самсуналда (Турция) тIоритIарал Сурдлимпиялъул хIаязда Россиялъул спорсменаз тIоцебесеб бакI ккуна, Россиялъул командаялъе щвана 199 шапакъат (85 меседил, 53 гIарцул, 61 мазгарул).


Автор: ГIизудинил ХIамзат

Баяналъул кьучI: Казият "Миллат". МахIачхъала

оценка новости: 
  • Не нравится
  • +60
  • Нравится
Оставить комментарий
Аллагьас сахлъи кьеги Мухӏаммадие,хадубкунги бергьенлъаби щвезе.
Амин. Гьес киназего къуркьунгутIиялъул мисал бихьизабулеб буго.


  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook