Муниса ГIумар
ГIенекке, гIадамал, хабар бицизин,
Халкъалда рагIарав багьадурасул.
ЧIахъаял, кIалъаге, гьунар ахIизин,
Гьунар Бичас кьурав цо мунусесул[1].
Эбелалъ гьабураб квенги кваначIо,КъвачIиниса бахъун кагIак[2] гурони,
Лъадуца тIамурав боснив вегичIо,
ЧIахIил бусен гьабун, гъотIокь гурони.РоцIанщинал къоял ЦIоралда тIамун,
ЦIар ана, ле гъалбацI, дур дунялалда.
ЦIад банщинал сардал гъвелил ракьанда,
Магьи хъахIаб хъирим хъатикьеги ккун.
– Мискиналщиналги бечелъун ругин,
Бахъедила дуца гIарцудул ярагъ.
Бечедалщиназе боцIи гIун бугин,
Вусса, ле, рукъалде, къвал гIебаб гъалбацI.
– Мискиналщиналги бечелъаниги,
Бахъиларо дица хIан гIарцул ярагъ.
Бечедалщиназе боцIи гIуниги,
РакIго сасунаро вижараб росулъ.
Жиндаго рекъараб къокъаги бачун,
КъачIанила лачен Жаниб ЦIоралде.
Алхасихъе[3] кIанцIун, ясалги рачун,
ХIал гIураб давлагун, квер гъураб жогун,
Гьединаб хIалалда жал рачIинагун,
Борхатаб балагьун гохI ккун батана,
Гъваридаб кIкIалахъе гъоркьчIел батана.
Гьединаб къоялда къваридго рукIун,
ВитIун чи анила дове КIкIаратIе, –
Хехлъи гьабе абе Къурбаниласда[4],
Къварилъи ккун бугин гIолохъабазе.
Хъван кагътал ритIана цIунтIадерихъе, –
Хехлъи гьабе абе цIунтIадерида,Гъов Мунуса ГIумар жанив сверанин.
КIаратIаса чапар нахъе щвелелде,
Чу-ярагъ бахъана гIолохъабахъа.
ЦIунтIа кIкIалахъ арал кагътал щвелелде,
БетIер къотIанила цо мунусесул.
Ракьда гьорогьайги ГьерекIлил сиял,
Мунуса ГIумарил бетIер тIад барал!
Зодихъе рахъайги хъахIал хъалаби,
ХъахIаб итаркIодул малърал хIуларал.
ЦIорго-ЦIор абула – жиб цIорон таяб,
Чанги цIудул милъир жаниб хIулараб!
Гъвелго-гъвел абула – жиб гъугъан аяб,Чанги гъалбацIалъул гожо бортараб
Къоролай абизе дур лъади гьечIо,
Къороллъаги, ГIумар, бакъ гIарцул ярагъ!
Бесдалал абизе дур лъимал гьечIо,
Бесдаллъаги, лачен, цIахIил гIаларча!
[1] Муни – гьанжесеб Болъихъ мухъалъул росу.
[2] КагIак – сапаразда унелъул бежулеб букIараб чадил тайпа.[3] РоцIинабизе кIвечIо щив чи гьевали.
