Авторизация

«ГIакълудал ралъад» фестиваль


Къалам, дуца щуре щакъиялдехун…


 «ГIакълудал ралъад» фестиваль


ДАССРалъ бана нусго сон, Инхоса ГIали-хIажияс – 175, МухIамад АхIмадовас – 65


ДАССР гIуцIаралдаса 100 сон баялда, Инхоса ГIали-хIажи гьавун 175 сон баялда ва МухIамад АхIмадовасул 65 сон тIубаялда хурхун, Бакълъул районалда тIобитIана «ГIакълудал ралъад» абураб фестиваль. Гьеб байрам гIуцIана Гумбет районалъул нухмалъулев ХIажимурад МухIамадовасул бетIерлъиялда  «Гумбет» медиагруппаялъ, Бакълъулазул гIолилазул, маданияталъул идарабаз. Фестивалалда Инхоса ГIали-хIажиясул цIаралда бугеб шапакъат кьуна Дагъистаналъул Хъвадарухъабазул гIуцIиялъул нухмалъулев, халкъияв шагIир МухIамад АхIмадовасе. 


Инхоса ГIали-хIажиясул пикрияб дунял


Тадбирал байбихьана КIудияб ВатIанияб рагъда камурал рагъухъабазул памятникалда цере тIугьдул лъеялдалъун. Музеялда ва библиотекаялда гьабураб экскурсиялдаса хадуб фестивалалъул гIахьалчагIи ракIарана администациялъул дандеруссиназул залалда.

Адабияталъул тадбир бачана «Гумбет» медиагруппаялъул бетIерав редактор, Россиялъул Хъвадарухъабазул гIуцIиялъул член ХIамзат ГIизудиновас. Гумбет районалъул нухмалъулев ХIажимурад МухIамадовасул цIаралдасан кIалъазе вахъана гьесул заместитель МухIамад Хъарагишиев.


«ДАССР гIуцIаралдаса 100 сон тIубай нилъер тарихалда кIвар бугеб лъугьа-бахъин ккола. ДАССРалъ квербакъана Гитлерил аскарал щущахъ риххизаризе ва рагъул хадусел соназ бихьизабуна социалиябгун экономикияб цебетIей, рагьана больницаби, рана школал, заводал, ГЭСал. 1999 соналъул август-сентябралдаги дагъистанияз бахIарчиго нахъчIвана халкъазда гьоркьосел зулмучагIи.

Дагъистаналъул тарихалда, адабияталда жаниб, мугIрузул улкаялъул рухIияб ирсалда хасаб бакI ккола Инхоса ГIали-хIажияс. Классик, магIарул адабияталъе кьучI лъурав чи, динияв гIалим, философ, шагIир, жамгIияв хIаракатчи Инхоса ГIали-хIажи ккола халкъалъул хазина. Вохарав вуго гьалбал хирияб нижер Бакълъул ракьалда къабул гьавизе Дагъистаналъул Хъвадарухъабазул гIуцIиялъул нухмалъулев, халкъияв шагIир, Бакълъулазул районалъул ХIурматияв гражданин МухIамад АхIмадов. МухIамад АхIмадовасул асаразе цIакъ кIудияб къимат кьуна Расул ХIамзатовас. Инхоса ГIали-хIажиясул асарал цIияб къагIидаялъ цIализе, гьесул асаразул кIвар гIадамазда бичIчIизабизе цIакъ хIаракат бахъана МухIамад АхIмадовас», – ан абуна МухIамад Хъарагишиевас.


Инхоса ГIали-хIажиясул ва МухIамад АхIмадовасул асаразул бицана Дагъистаналъул Хъвадарухъабазул цолъиялъул магIарул адабияталъул секциялъул нухмалъулев, филологиял гIелмабазул доктор, профессор МухIамад МухIамадовас,  табасараназул  секциялъул нухмалъулей Сувайнат Кюребековалъ, «Лачен» журналъул нухмалъулей, «Дагъистан» ГТРКялъул  хIалтIухъан ГIайшат Малачиевалъ, лезгиязул адабияталъул секциялъул нухмалъулев Владик Батмановас, халкъияй шагIир Сабигат МухIамадовалъ, Россиялъул Хъвадарухъабазул  гIуцIиялъул член ГIали-хIажи МухIамадовас, Инхоса ГIали-хIажиясул цIаралда  бугеб Гумбет районалъул библиотекаялъул нухмалъулесул заместитель Сиядат ГIабдулмутIалибовалъ ва цогидазги.


«ЦIумазул азбука – аваразул мацI»


Дагъистаналъул Хъвадарухъабазул гIуцIиялъул нухмалъулев, халкъияв шагIир, Бакълъулазул районалъул ХIурматияв гражданин МухIамад АхIмадовас ракIалде щвезабуна рахьдал мацI ва Дагъистаналъул маданият цIунизе кколеллъи.


«Дагъистаналъул бечедаб ва къимат кIудияб тарих буго. Халкъалъ гьудуллъи кквезе ккола Дагъистаналъул классиказул асаразулгун, гьитIинго бижизабизе ккола лъималазулъ тIахьал цIалиялде рокьи. Дун вохарав вуго гьаб фестивалалда  Бакълъулазул цIалдохъабаз рахьдал мацIалда кучIдул цIалиялдаса. Маданият ва рахьдал мацI  халкъалъул рухIияб бечелъи ккола. Баркала загьир гьабула Гумбет районалъул нухмалъулезе, «ГIакълудал ралъад» фестиваль гIуцIаразе. Гьадинал тадбираз квербакъула рухIияб рахъ бацIцIалъизе ва бечелъизе, гIисинал гIелал куцазе», – ян абуна МухIамад АхIмадовас.


ХIамзат ГIизудиновас цIалана  Россиялъул Хъвадарухъабазул цолъиялъул член, Дагъистаналъул мустахIикъав мугIалим ГIиса Шарапудиновасул баркиялъул кагъат. МухIамад АхIмадовасе Бакълъулазул районалъул нухмалъулев ХIажимурад МухIамадовасул цIаралдасан Инхоса ГIали-хIажиясул цIаралда бугеб премия кьуна  МухIамад Хъарагишиевас. Юбилярасе гьединго сайгъатал кьуна «Гумбет» басмаялъул вакилзабаз, районалъул гIолилазул ва маданияталъул идарабаз.


Инхоса ГIали-хIажиясул ва МухIамад АхIмадовасул асарал цIалана  Инхоса ГIали-хIажиясул цIаралда бугеб ТIад Инхо гьоркьохъеб школалалъул,  Чалаби МухIамадовасул цIаралда бугеб МелъелтIа гьокьохъеб школалъул ва Сахрат МухIамадовасул цIаралда бугеб МелъелтIа аслияб школалъул цIалдохъабаз.  Тадбир берцин гьабуна маданияталъул хIалтIухъабазул художествиял церерахъиназ, юбилеязда хурхун ЦБСалъ хIадур гьабуна тIахьазул выставка. Фестивалалъул гIахьалчагIазе кьуна, грамотаби, тIахьал ва цогидал сайгъатал.


Автор: Информациялъул «Гумбет» гIуцIи

оценка новости: 
  • Не нравится
  • +3
  • Нравится
Оставить комментарий
займ до зарплаты на карту срочно онлайн 0 за первый --- Если срочно нужен микрозайм обратитесь сюда --- шары гелевые с доставкой --- праздник не праздник без шариков --- купить семена томатов онлайн --- купить огурцы можно тут --- егпу портал госуслуги официальный сайт --- советы и статиь для госуслуг --- синие воздушные шары --- просто блсек скачать активатор windows 7


  • ТIасан калам
  • Къоязда
  • ЦIалулеб
ЦIех-рех
Нилъер заманалда магIарул халкъалъул аслияб масъалалъун щиб нужеца рикIкIунеб?
Ниж жамгIиял гьиназда
  •   VK 
  •  Facebook